Bo día familias!!!
Como cada xoves, as actividades propostas para hoxe están relacionadas cos contos, e dado que este domingo é o día das LETRAS GALEGAS, imos a propoñervos un xogo a partir dun conto do noso autor homenaxeado este ano: RICARDO CARBALLO CALERO.
Para poder comezar, deixámosvos o enlace ao conto "AS PITAS BAIXO A CHOIVA", agardamos que vos guste: https://www.youtube.com/watch?v=lBvbDEcxbqU&feature=youtu.be
Despois de ver este audioconto, propoñémosvos o seguinte xogo, tédelo aquí en formato PPT para clicar e acceder directamente a el, para que vos resulte máis doado: Xogo As pitas baixo a choiva
De todos os xeitos, aquí vos deixamos cada unha das probas en imaxes:
PRIMEIRA PROBA:
- Para os nenos e nenas de tres anos: Escribe o nome e os apelidos do autor homenaxeado. Escribe debaixo o teu nome e apelidos, que letras coinciden?
- Para os nenos e nenas de catro anos: Escribe o nome e os apelidos do autor homenaxeado, cantas letras ten o seu nome? E cada apelido? Escribe debaixo o teu nome e apelidos, ten máis letras o teu nome ou o do autor? E dos apelidos, cal ten máis?
- Para os nenos e nenas de cinco anos: Escribe o nome e os apelidos do autor homenaxeado. Busca o lugar onde naceu e escríbeo, en que lugar naciche ti? Escríbeo tamén.
E o PREMIO é...CANTAR E BAILAR CON TODOS OS QUE VIVEN CONTIGO A TÚA CANCIÓN FAVORITA!
SEGUNDA PROBA:
- Para os nenos e nenas de tres anos: Que animal aparece no conto? Descríbeo oralmente. Agora, tes 30 segundos para dicir todos os animais que se che ocorran, cales son?
- Para os nenos e nenas de catro anos: Que animal aparece no conto? Descríbeo oralmente. Agora, tes 30 segundos para dicir todos os animais que coñeces que teñan pico, anímaste a escribilos?
- Para os nenos e nenas de cinco anos: Que animal aparece no conto? Descríbeo oralmente. Agora, debúxao e escribe ao carón todas as partes do corpo que fuche describindo.
E o PREMIO é...PEDIRLLE A ALGUÉN DA TÚA FAMILIA QUE CHE DEA UNHA MASAXE!
TERCEIRA PROBA:
- Para os nenos e nenas de tres anos: Cando ía á aldea o pai de Ricardo? Por que letra comeza este día da semana? Poderías pensar nunha palabra que comece por esta letra?
- Para os nenos e nenas de catro anos: Cando ía á aldea o pai de Ricardo? Escribe nun papel este día da semana, cantas letras ten? E sílabas?
- Para os nenos e nenas de cinco anos: Cando ía á aldea o pai de Ricardo? Podes escribir todos os días da semana? Rodea o día en que vai á aldea o pai de Ricadro, cal é o anterior? E o seguinte?
E o PREMIO é...COMER UN PEQUENO DOCE QUE CHE GUSTE!
CUARTA PROBA:
- Para os nenos e nenas de tres anos: Que buscaban as pitas na terra para comer e que lles levaba o neno? Cantos alimentos se che ocorren en 30 segundos?
- Para os nenos e nenas de catro anos: Que buscaban as pitas na terra para comer e que lles levaba o neno? Cantas comidas típicas de Italia se che ocorren en 30 segundos? Escribe a que máis che guste.
- Para os nenos e nenas de cinco anos: Que buscaban as pitas na terra para comer e que lles levaba o neno? Serías quen de dicirnos e escribir 5 cousas que podemos facer con millo?
E o PREMIO é...UNHA RONDA DE ELOXIOS, CADA MEMBRO DA TÚA FAMILIA DEBE DICIR DÚAS CARACTERÍSTICAS POSITIVAS DE TI!
QUINTA PROBA:
- Para os nenos e nenas de tres anos: Que significa a palabra "IMPERMEABLE"? Busca algo na túa casa que sexa impermeable e dinos para que o utilizas.
- Para os nenos e nenas de catro anos: Que significa a palabra "IMPERMEABLE"? Que dicía o pai de Ricardo no conto que era impermeable? Busca un par de cousas na túa casa que sexan impermeables, debúxaas e escribe o seu nome.
- Para os nenos e nenas de cinco anos: Que significa a palabra "IMPERMEABLE"? Que dicía o pai de Ricardo no conto que era impermeable? Cantas letras e sílabas ten esta palabra? Busca varias cousas impermeables na túa casa, debúxaas e escribe o seu nome, explicando ao carón para que serven.
E o PREMIO é...XOGAR AO TEU XOGO FAVORITO CUN MEMBRO DA TÚA FAMILIA!
Ademais deste xogo, para celebrar esta data, os Bolechas tamén fixeron un libro dedicado a Ricardo Carballo Calero, aquí podes atopalo en PPT: Os Bolechas.
Animámosvos a ler este conto e a facer esta proposta de actividades:
Como podes ver no conto, o tío Lisardo disfrázase de Carvalho Calero, agora ti podes facer o mesmo poñendo un pucho e pintando un bigote. Se prefires, podes debuxalo tendo en conta os seus atributos.
Despois de ler a historia...Pensa como se chamaba a nai de Scórpio e...
- Para os nenos e nenas de tres anos: Busca outra palabra que comece pola mesma letra.
- Para os nenos e nenas de catro anos: Busca outra palabra que comece e remate polas mesmas letras.
- Para os nenos e nenas de cinco anos: Conta as letras que contén este nome, conta tamén as sílabas e fai a suma.
Agora, pensa a que se dedicaba a nai de Scórpio...
- Para os nenos e nenas de tres anos: Expresa oralmente cada un dos obxectos que tes na imaxe da esquerda. Agora, nomea as diferentes cores de cada un dos botóns.
- Para os nenos e nenas de catro anos: Intenta escribir o nome dos obxectos de cor negra. Agora, sinala un botón grande, un mediano e un pequeno.
- Para os nenos e nenas de cinco anos: Escribe o nome dos obxectos que serven para cortar. Agora, conta os alfileres e os botóns que hai na imaxe. Hai máis cantidade duns obxectos que dos doutros?
Pensa que comida lle levaba a veciña á nai de Scórpio?
- Para os nenos e nenas de tres anos: Busca outra comida que comece pola mesma letra.
- Para os nenos e nenas de catro anos: Escribe outra comida italiana que remate pola mesma letra. Se necesitas refrescar a memoria, podes ver de novo o vídeo que colgamos no blog sobre as comidas de Italia.
- Para os nenos e nenas de cinco anos: Completa o acróstico con palabras referidas a comidas.
C
A
L
D
O
Por último, pensa en que cidade de Galicia naceu Carvalho Calero?
- Para os nenos e nenas de tres anos: E ti? Onde naciche? Intenta escribir o nome dese lugar.
- Para os nenos e nenas de catro anos: Busca e escribe outras palabras que comecen pola letra "F". Despois compáraas e sinala cales son máis longas e cales son máis curtas.
- Para os nenos e nenas de cinco anos: Coa axuda dun adulto, busca e escribe outras palabras que leven "RR". Agora, pronuncia esas palabras como se levasen un só "R". Soan igual?
E como a entrada de hoxe vai de celebracións...non nos esquecemos de que mañá é o DÍA DA FAMILIA e, por iso, en honra ás nosas queridas familias traémosvos un xogo por si vos queredes animar a facelo, aquí o tedes:
Botámosvos moito de menos!! Volveremos a xuntarnos!!
No hay comentarios:
Publicar un comentario