Moi bo día familias!!!

Un xoves máis, traemos un conto para desfrutar cos nosos nenos e nenas, que tanto lles gustan. O conto de hoxe titúlase LA VOCECITA  e si premedes sobre o título, poderedes acceder ao conto en Youtube.

Unha vez teñades visualizado o conto, propoñémosvos as seguintes actividades:

Para os nenos e nenas de TRES ANOS:

• Observa ao protagonista do conto, que animal cres que é? Podes expresar oralmente algún dos seus atributos (cor, tamaño...)?
• Agora pensa como se chama. Coñeces a letra pola que comeza? E a letra pola que remata? Coa axuda dun adulto, busca ti outras palabras que comecen e rematen polas mesmas letras e trata de escribilas.
• Conta as sílabas que ten o nome do protagonista facendo palmas. Intenta escribir o número ou, se prefires, podes construílo con plastilina ou calquera outro material.

Para os nenos e nenas de CATRO ANOS:

• Busca máis especies animais que comecen pola mesma letra que o animal protagonista do conto, e intenta escribilos. Das palabras que escribiche...cal é a máis longa? E a máis curta?
• Agora, fai unha lista e clasifícaos segundo sexan animais domésticos ou salvaxes. Cal é o teu preferido?
• Fai un debuxo e explica o por que da túa elección.
• Conta cantos animais salvaxes están na túa lista e cantos son domésticos. De cales tes máis? E menos?

Para os nenos e nenas de CINCO ANOS:

• Investiga sobre a especie animal que corresponde ao protagonista do conto. Que tipo de animal é? Que come? Cal é o seu hábitat natural? Como sobrevive?
• Pensa que farías ti se estiveras na mesma situación que o protagonista, farías o mesmo? Explica que outras opcións lle propoñerías ti a Perico.
• Agora busca pola casa algún obxecto que ti creas que non ten ningún uso e pensa como se podería reciclar. Podes facer un debuxo explicando cal sería o seu novo uso.

E unha vez feitas todas estas actividades sobre o conto, a seguinte proposta é sobre...

Como artistas italianos que somos, non hai creación máis bonita que poidades facer que o voso propio retrato! Podes comezar por mirar a túa imaxe nun espello e describirte, todas as túas cualidades son positivas e únicas!

Esperemos que vos gusten as ideas que propoñemos...

Para os nenos e nenas de TRES ANOS:

• Sobre un papel ou cartolina de calquera cor, traza a silueta da túa cara.
• Agora, en revistas, debes buscar imaxes dos diferentes elementos da cara (ollos, nariz, boca...) canto máis dispares sexan estes elementos, máis divertido será o teu retrato. Recórtaos e pégaos no lugar correspondente.
• Se non atopas algún destes elementos, podes debuxalos.
• Pon o teu nome e...LISTO, xa tes o teu súper retrato!

Para os nenos e nenas de CATRO ANOS:

• Sobre un papel de xornal, debuxa a silueta da túa cara e no seu interior todos os elementos que a compoñen.
• Unha vez que remates, recorta pola silueta e pégaa nun papel ou cartolina (podes empregala de cores ou pintar sobre unha branca para que quede máis vistoso).
• Agora imos decorar o pelo, podes coller churriños de plastilina, anacos de la, ou mesmo podes empregar algunha técnica plástica como pintura 3D ou salpicar pintura...
• Pon o teu nome e...LISTO, xa tes o teu súper retrato!

Para os nenos e nenas de CINCO ANOS:

• Precisas unha fotografía túa e unha lámina de plástico (tipo lámina de acetato ou similar, un anaco de plástico transparente) e un rotulador permanente.
• Calca a túa silueta e os diferentes elementos da túa cara.
• Agora decora a túa creación empregando diferentes técnicas plásticas: podes pintar con rotuladores permanentes de diferentes cores, pintura acrílica, pegando anacos de papel, estirando plastilina...todo o que se che ocorra quedará de marabilla!
• Pon o teu nome e...LISTO, xa tes o teu súper retrato!

Estas son as opcións que nós recomendamos para cada idade, pero por suposto, cada un pode facer a que máis lle guste e...si vos queda unha creación fascinante, sempre podedes enmarcala para decorar a vosa habitación! 

A deixar voar a imaxinación artistas!!!!

Non queremos rematar esta entrada sen rendir unha pequena homenaxe a todos os que cumprides anos este mes de maio, esperamos que disfrutarades dun DÍA MARABILLOSO e que sigades cumprindo anos así de felices!!! Querémosvos un montón e agardamos MOI MOI PRONTO CELEBRALO CON VOS!!!!

Esta CANCIÓN vai dedicada ás nosas SÚPER PEQUES AROA, MÍA, YOANA, SIRA e a nosa SÚPER PROFE SILVIA! Esperamos tirarvos das orelliñas moi pronto!! MOITOS PARABÉNS!!!!

Bos días familias! Ímos a polo derradeiro luns do mes de maio con máis actividades.

Que tal se comezamos o día xogando un pouco cos números?

Para os nenos/as de tres anos:

- Elaboramos tarxetas cos números do 1 ao 6. Anímate a escribilos ou repasalos.

- Agora colocamos ao carón de cada número tantos elementos como indica o número (exemplo: pezas ensartables, pompóns, coches...).

- Por se non os tiñas, debes ordenar todos os números, comezando polo máis pequeno ata o máis grande. Coa axuda dun adulto, colle dous e reflexiona sobre o maior e o menor.

- Despois, o adulto desordenará as tarxetas, podes volver a colocalas ao carón do número correspondente?

Para os nenos/as de catro anos: 

- Ímos deseñar un taboleiro coma o que ves na imaxe, pode ser en papel, cartolina, debuxado no chan... como máis vos guste! E podedes facerlle as modificacións que queirades.

- Agora facemos un código de cores, cada cor vaise corresponder cun número. 

- Trata de colocar un elemento de cada cor enriba do número que corresponde no taboleiro, tal e como podes ver na imaxe.

- Cantos recadros hai de cada número no taboleiro?

- Cal é o número maior? E o menor?

- Anímaste a elaborar pequenas tarxetas e escribir en cada unha un número do 1 ao 6?

- Agora, intenta colocar cada tarxeta enriba do número correspondente.

Para os nenos/as de 5 anos: 

- Ímos elaborar tarxetas cos números do 1 ao 6.

- Agora elabora tarxetas nas que debuxes dende un ata seis circulos en cada unha.

- Asocia cada número coa cantidade que representa.

- Colle dous números ao azar. Cal é maior? E menor?

- Colle un único número. Cal é o anterior? E o posterior? Fai o mesmo con todos os números.

- Volvemos a coller un número e descompoñémolo. Podes ver o exemplo na imaxe co número catro. Colle catro elementos e descomponos de todas as maneiras posibles (3+1, 2+2, 1+3...) 

- Ocórrenseche máis formas de facelo?

- Agora ímos facer o mesmo con todos os números. Anímaste a escribir nesta táboa todas as posibilidades? Ponémosche unha a modo de exemplo.

E, para completar o día, que vos parece se xogamos unha partidiña ao bingo?

Para iso, precisamos un cartóns que, neste caso, terán como protagonistas a diferentes animais...

E tamén precisamos unhas fichas para poder tapar as imaxes que vaian saíndo durante o xogo...

Unha vez que teñamos impresos os cartóns e as fichas, un dos xogadores, será o encargado/a de poñer os cartóns boca abaixo e repartilos entre o resto das persoas que xogan. 

Despois, colocará tamén as fichas boca abaixo e irá sacándoas ao azar dicindo en voz alta que animal aparece na ficha. A continuación, entregaralla ao xogador que a reclame á voz de "MIÑA" . O xogador/a que reciba a ficha, buscará a imaxe no seu cartón e deberá tapala coa ficha recibida.

É posible facer "liña" cando se marcan en fila tres animais e "bingo" cando se marcan as nove imaxes do cartón.

Cando un dos xogadores/as, cante "bingo", limparanse os cartóns ( podendo intercambialos cos outros xogadores), removeranse as fichas e volta a comezar.

Deixámosvos por aquí as imaxes dos cartóns e das fichas (autora: Raquel Piñero) para poder imprimilas.

CARTÓNS

FICHAS

Esperamos que pasedes un ratiño agradable con estas propostas! Xa sabedes que nós estamos esperando as vosas fotos e videos para ver o ben que as facedes!! Moitos biquiños de cores para os nosos peques!!

Moi bo día familias!

Hoxe é xoves, e iso significa que é o noso día do conto! Por iso, hoxe traemos un novo que ao mellor algún de vos xa coñece, o conto titúlase "INÉS DEL REVÉS" e se premedes no título podedes acceder ao vídeo do mesmo. 

Unha vez que leades o conto, propoñémosvos estas actividades: 

Para os NENOS E NENAS DE TRES ANOS:

• Intenta ordenar a secuencia observando nas imaxes o que sucedeu antes e despois.
• Expresa oralmente que fixo Inés cando se levantou da cama e intenta facelo ti. Só precisas unha gorra e un par de zapatos!
• Escolle unha das accións que fixo Inés ao revés (camiñar sobre as mans, ler un libro ao revés, facer voar a cometa polo chan...) e fai o debuxo explicando se che parece correcto ou non facelo así.

Para os NENOS E NENAS DE CATRO ANOS:

• Intenta ordenar a secuencia observando nas imaxes o que sucedeu antes e despois.
• Explica se che parece axeitado o almorzo que pide Inés e elabora unha carta ou enumera diferentes almorzos para darlle máis ideas á protagonista desta historia.
• Escolle unha das accións que fixo Inés ao revés (camiñar sobre as mans, ler un libro ao revés, facer voar a cometa polo chan...). Fai o debuxo e intenta escribir a acción que está a realizar.

Para os NENOS E NENAS DE CINCO ANOS:

• Intenta ordenar toda a secuencia temporal do conto poñendo en cada imaxe o número ordinal que corresponde.
• Como podes ver, o título do conto "Inés del Revés" é unha rima. Busca ti máis palabras que rimen. Se o fas co nome dos teus compañeiros/as do cole seguro que aínda é máis divertido!
• Pensa noutras accións diferentes ás que fixo Inés (podes escribilas e/ou debuxalas), explica se che parece unha boa idea facelas do revés e, se entrañan algún perigo, explica cal sería.

A continuación, poñémosvos todas as imaxes do conto para visualizar mellor cada escena do mesmo:

E despois desta actividade...aquí tedes un xogo moi lúdico para facer fóra, aproveitando o bo tempo! Soamente precisades este TABOLEIRO, un DADO e unha FICHA para cada xogador e...a DIVERTIRSE MOVENDO O ESQUELETO!!!

Con respecto á actividade do conto dos Bolechas do xoves pasado, poñémosvos aquí un enlace directo ao mesmo por se tivestedes algunha dificultade para acceder a el: CONTO BOLECHAS.

Moitos bicos a todos e a todas e que pasedes un gran finde desfrutando deste bo tempo!!! Querémosvos un montón!!!!