Boa tarde familias

É hora de traballar un pouquiño a lectoescritura con estes xogos que vos propoño a continuación.

A actividade consiste en identificar a letra que aparece na parte superior e asociala coa mesma letra (maiúscula ou minúscula) das que aparecen na parte inferior. Podedes marcala cunha pinza, cun gomet ou ben colorear a que corresponde en cada caso.

Agora, déixovos o xogo da oca das vogais...

Precisamos, como no xogo da oca tradicional, un dado e unha ficha para cada xogador (non máis de 4). Lánzase o dado e avanzamos segundo o número obtido. Ao caer nunha casilla, o xogador ten que identificar a letra e pensar nunha palabra que comece por esa mesma letra. Se acertamos, permanecemos na mesma casilla, pola contra, teremos que volver á casilla anterior.

 Se caemos na casilla da oca, decimos " De oca a oca e tiro porque me toca" e volvemos lanzar o dado.

 Bo día familias

Hoxe ímos traballar un pouquiño a lóxico-matemática e a orientación espacial. Por aquí vos deixo unha actividade na que tedes que poñer o número de puntos que corresponde a cada posición.

Agora, ímos descompoñer números de forma manipulativa. Observade a imaxe...

É o voso turno, empregando a plantilla da casiña descompoñede os seguintes números: 3, 5, 7,9.

Por aquí vos deixo outros exemplos de como se poden facer as descomposicións...

 Bo día familias

Como hoxe é o día de levar un contiño para a casa, non ímos quedar sen el! Por aquí vos deixo un par deles, podedes escoller un e facer a actividade correspondente ou os dous, como queirades.

Déixovos tamén a ficha de lectura por se queredes facela...

Que teñades moi boa fin de semana!

 Boa tarde familias

Hoxe, no cole, celebramos o 25 N, Día Internacional contra a Violencia de Xénero. Aínda que non puidemos participar presencialmente na celebración, ímos conmemoralo igualmente a través deste conto...

Agora, realiza as seguintes actividades...

 Boa tarde familias

Hoxe ímos facer un repaso de contidos relacionados co outono. Comezamos cun pouquiño de vocabulario...

Lembrades que un dos froitos carnosos do outono é a mazá? Imos meter nos saquiños tantas mazás como se indica neles...

E no outono, como nos vestimos? Arrodea as prendas de vestir que empregamos nesta estación e colorea. 

Das seguintes imaxes, cal cres que corresponde á estación do outono? Por que?

Por último, fíxate nos códigos e colorea cada letra da cor que corresponde...

 Por aquí vos deixo algunhas actividades máis sobre o proxecto...

 Bo día familias!

Déixovos por aquí unhas actividades relacionadas co proxecto dos deportes para facer na casa, mentres non podamos voltar á aula de forma segura. 

Comparto con vós tamén a carpeta do drive onde as teño almacenadas para que poidades descargar e imprimir os archivos se así o desexades. 

Un biquiño enorme e moito ánimo!